1 րոպեի ընթերցում
ԵՐԵՎԱՆ, 23 ՆՈՅԵՄԲԵՐԻ, ԱՐՄԵՆՊՐԵՍ: Մեծ Բրիտանիայի մայրաքաղաքի հասարակական տրանսպորտում վնասակար սննդի գովազդի արգելքն ուժի մեջ կմտնի 2019 թվականի փետրվարի վերջին:
Նոյեմբերի 23-ին այս մասին հայտնել Է BBC հեռուստառադիոհաղորդումների կորպորացիան, տեղեկացնում Է «Արմենպրես»-ը: BBC-ի տեղեկություններով՝ շաքարի, աղի եւ ճարպի բարձր պարունակությամբ մթերքների գովազդային հայտարարությունները փետրվարի 25-ից կանհետական մետրոյում եւ վերգետնյա տրանսպորտում:
Այս միջոցը սահմանվում Է մանկական ճարպակալման դեմ պայքարելու համար: «Վնասակար սննդի գովազդի ազդեցության նվազեցումը դրանում իր դերը կխաղա ոչ միայն երեխաների, այլեւ ծնողների, ընտանիքների եւ խնամակալների համար, որոնք սնունդ են գնում եւ պատրաստում»,- մեջբերում Է անում BBC-ն Լոնդոնի քաղաքագլուխ Սադիք Խանի խոսքից: BBC-ի տեղեկություններով՝ Լոնդոնը պահպանում Է Եվրոպայում մանկական ճարպակալման ամենաբարձր մակարդակ ունեցող քաղաքներից մեկի կարգավիճակը. Մեծ Բրիտանիայի մայրաքաղաքում 10-ից մինչեւ 11 տարեկան երեխաների շուրջ 40 տոկոսը տառապում Է ավելորդ քաշից, հաղորդել Է ՏԱՍՍ-ը: