ՀԱՊԿ ԽՎ նիստը Երեւանից Մոսկվա տեղափոխելու առաջարկին պետք է պրագմատիկ մոտենալ. Զոհրաբ Մնացականյան
1 րոպեի ընթերցում
ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: ՀԱՊԿ Խորհրդարանական վեհաժողովի նիստը Երեւանից Մոսկվա տեղափոխելու առաջարկին պետք է պրագմատիկ մոտենալ: Կառավարության նիստից հետո լրագրողների հետ զրույցում այս մասին նշեց ՀՀ արտաքին գործերի նախարարի պաշտոնակատար Զոհրաբ Մնացականյանը:
«Ինձ թվում է, սա այն հարցերից է, որոնց պետք է պրագմատիկ վերաբերվել: Հայաստանում կանցկացվի այսօր, վաղը մեկ այլ տեղում…հարցը վերաբերում է զուտ պրագմատիկ մոտեցմանը: Մենք աշխատում ենք, որևէ խնդիր չեմ տեսնում»,-«Արմենպրես»-ի հաղորդմամբ՝ ասաց Զոհրաբ Մնացականյանը:
ՏԱՍՍ գործակալության փոխանցմամբ, Պետդումայի ԱՊՀ, Եվրասիական ինտեգրացիայի և հայրենակիցների հետ կապերի հարցերով հանձնաժողովի ղեկավար Լեոնիդ Կալաշնիկովը տեղեկացել էր, որ ՀԱՊԿ Խորհրդարանական վեհաժողովի նիստը Երևանից կտեղափոխվի Մոսկվա: