Շախմատի տղամարդկանց և կանանց հավաքականները գիտեն իրենց մրցակիցներին

ԵՐԵՎԱՆ, 1 ՀՈԿՏԵՄԲԵՐԻ, ԱՐՄԵՆՊՐԵՍ: Շախմատի Հայաստանի տղամարդկանց և կանանց թիմերը գիտեն իրենց հաջորդ մրցակիցներին:

«Արմենպրես»-ի հաղորդմամբ` տղամարդկանց թիմը կմրցի Բելառուսի ընտրանու հետ, այս տուրում թիմից չի մասնակցի Հայկ Մարտիրոսյանը: Կանանց հավաքականը կխաղա առաջատար ԱՄՆ-ի հետ:

6-րդ տուրից հետո կանանց թիմն ունի 11 միավոր: Նույնքան միավոր ունեն նաև ԱՄՆ-ի և Վրաստանի առաջին թիմերը:

Տղամարդկանց հավաքականն ունի 10 միավոր: Առաջատարները 12-ական միավորով Ադրբեջանը և Լեհաստանն են: