Եվրահանձնաժողովում պատժամիջոցներով են սպառնացել Facebook-ին
2 րոպեի ընթերցում
![Եվրահանձնաժողովում պատժամիջոցներով են սպառնացել Facebook-ին](http://armenpress.am/resized/480/static/news/b/2018/09/947937.jpg)
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Facebook ընկերությանը պատժամիջոցներ են սպասում, եթե նա օգտատերերի անձնական տվյալների վերաբերյալ իր համաձայնագիրը չհամապատասխանացնի Եվրամիության նորմաների հետ: Այդ մասին, ինչպես տեղեկացնում Է «Արմենպրես»-ը, հայտարարել Է արդարադատության հարցերով եվրոկոմիսար Վերա Յուրովան:
«Մենք ակնկալում ենք, որ Facebook-ը կկատարի իր պարտավորությունները եւ մինչեւ դեկտեմբերի վերջը կլրամշակի օգտատերերի վերաբերյալ համաձայնագիրը: Մենք դրա վրա աշխատում ենք ավելի քան երկու տարի, եւ ես սկսում եմ կորցնել համբերությունս: Եթե մենք արդյունք չտեսնենք, կհետեւեն պատժամիջոցներ»,-նախազգուշացրել Է նա: «Facebook-ը կարող Է (ԵՄ-ի պետությունների) ազգային կարգավորիչների կողմից պատժամիջոցների ենթարկվել հաջորդ տարվա սկզբից: Պատժամիջոցները կսահմանվեն ԵՄ-ում կոնսուլտացիաներից հետո, եթե Facebook-ը չկատարի իր պարտավորությունները»,-ընդգծել Է Յուրովան:
Եվրակոմիսարը, մասնավորապես, նշել Է, որ Facebook-ն իրեն իրավունք Է վերապահում օգտագործել օգտատերերին վերաբերող տեղեկատվությունը, այդ թվում՝ դրա հեռացումից հետո, ինչը հակասում Է անձնական տեղեկատվության պաշտպանության վերաբերյալ ԵՄ-ի նորմերին:
ԵՄ-ն այս տարի գործի Է դրել հանրակցության պետությունների քաղաքացիների անձնական տվյալների պաշտպանության նոր կանոնակարգը՝ GDPR-ն, որը պարտավորեցնում Է սոցցանցերին եւ ինտերնետ-ծառայությունների մյուս օպերատորներին՝ օգտատերերին լայն հնարավորություններ ընձեռել իրենց անձնական տվյալների օգտագործման հսկողության հարցում, ներառյալ «մոռացության տալու իրավունքը»՝ իրենց տեղեկատվության ամբողջական եւ վերջնական հեռացումը, հաղորդել Է ՏԱՍՍ-ը: