«Շանթ-2018». զորավարժությանը նվիրված հանդիպումներ տեղի ունեցան Լոռու և Տավուշի մարզային իշխանությունների հետ
1 րոպեի ընթերցում
![«Շանթ-2018». զորավարժությանը նվիրված հանդիպումներ տեղի ունեցան Լոռու և Տավուշի մարզային իշխանությունների հետ](http://armenpress.am/resized/480/static/news/b/2018/09/946758.jpg)
ԵՐԵՎԱՆ, 11 ՍԵՊՏԵՄԲԵՐԻ, ԱՐՄԵՆՊՐԵՍ:3-րդ զորամիավորման հրամանատարության նախաձեռնությամբ` սեպտեմբերի 7-ին և 8-ին տեղի ունեցան «Շանթ-2018» համապետական զորավարժությանը նվիրված հանդիպումներ Լոռու և Տավուշի մարզային իշխանությունների, դատախազների, Ոստիկանության, ԱԱԾ, ԱԻՆ մարզային վարչությունների ղեկավարների և տարածքային զինվորական կոմիսարների հետ: Այս մասին «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից:
Հանդիպման ընթացքում քննարկվեցին զորավարժությանն առնչվող հարցեր, ճշտվեցին ուժերն ու միջոցները, իրականացվող աշխատանքների հաջորդականությունն ու փոխգործակցության խնդիրները: