388.33
Վալերի Օսիպյանը ՊՊԾ գնդի գրավման գործով դատարան ներկայանալու հրավեր չի ստացել
1 րոպեի ընթերցում
ԵՐԵՎԱՆ, 21 ՕԳՈՍՏՈՍԻ, ԱՐՄԵՆՊՐԵՍ: Հայաստանի Հանրապետության ոստիկանության պետ Վալերի Օսիպյանը ոստիկանության պարեկապահակային ծառայության գնդի գրավման գործով դատավարությանը մասնակցելու հրավեր չի ստացել, սակայն հրավերի դեպքում կաշկանդված չէ և պատրաստ է ներկայանել ու պնդել իր ցուցմունքները: Այս մասին Վալերի Օսիպյանն ասաց օգոստոսի 21-ին կայացած մամուլի ասուլիսի ընթացքում:
«Բոլորդ գիտեք, որ ես մոտ 7-8 օր մնացել եմ ԶՊԾ գնդում՝ որպես պատանդ: Այնուհետև հարցաքննվել եմ, այս պահի դրությամբ ես դատարան չեմ հրավիրվել: Բայց կաշկանդված չեմ, հրավերի դեպքում կներկայանամ և կպնդեմ նախաքննության ժամանակ իմ տված ցուցմունքները»,- «Արմենպրես»-ի հաղորդմամբ՝ ընդգծեց Օսիպյանը:
Անդրադառնալով հարցին, թե ինչպե՞ս է վերաբերվում ՊՊԾ գնդի գրավման գործով դատավարության ընթացքին, Վալերի Օսիպյանն ընդգծեց, որ Հայաստանում արդարադատություն իրականացնում է դատարանը, ուստի որևէ մեկնաբանություն չի ցանկանում անել:
