1 րոպեի ընթերցում
ԵՐԵՎԱՆ, 2 ՕԳՈՍՏՈՍԻ, ԱՐՄԵՆՊՐԵՍ: Հայաստանի բռնցքամարտի հավաքականի անդամ, Օլիմպիական խաղերի մասնակից Նարեկ Աբգարյանը հաջորդ մենամարտը կարող է անցկացնել ԱՄՆ-ում:
«Արմենպրես»-ի փոխանցմամբ՝ լրագրողների հետ հանդիպման ժամանակ այս մասին ասաց բռնցքամարտիկի պրոմոութերական ընկերության ղեկավար Արամ Դավթյանը: Վերջինիս խոսքով՝ ոչինչ վերջնականապես հայտնի չէ, և բանակցությունները դեռ շարունակվում են:
Հայաստանի բռնցքամարտի հավաքականի առաջատարներից Նարեկ Աբգարյանը հունիսի 30-ին Իսպանիայի Բենիդորմ քաղաքում կայացած պրոֆեսիոնալ բռնցքամարտի երեկոյի ընթացքում 10 ռաունդում բացահայտ առավելությամբ հաղթել է մեքսիկացի Խեսուս Գալիսիային ու նվաճել է WBC International Silver գոտին։