1 րոպեի ընթերցում
ԵՐԵՎԱՆ, 29 ՀՈՒԼԻՍԻ, ԱՐՄԵՆՊՐԵՍ: Բռնցքամարտի Հայաստանի հավաքականի անդամ Գոռ Երիցյանը շարունակում է անպարտելի մնալ պրոֆեսիոնալ ռինգում:
«Արմենպրես»-ի հաղորդմամբ՝ ռուսական Սոչի քաղաքում կայացած պրոֆեսիոնալ երեկոյի ընթացքում Երիցյանը 8 ռաունդային մենամարտում ուժերը չափեց Հարավային Աֆրիկան ներկայացնող 40-ամյա Ալի Ֆունեկայի հետ: Վերջինս 53 մենամարտ է անցկացրել պրոֆեսիոնալ ռինգում:
Երիցյանը գերազանցեց մրցակցին միավորների առավելությամբ:
Հայ բռնցքամարտիկը 7-րդ հաղթանակը տոնեց պրոֆեսիոնալ ռինգում: