1 րոպեի ընթերցում
ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանի՝ հայրենիք վերադառնալու ու հայկական բանակում պարտքը կատարելու կոչին հետևել է մոտ 300 քաղաքացի: Ինչպես տեղեկացնում է «Արմենպրես»-ը, այս մասին Կենտրոնական հավաքակայանում լրագրողների հետ զրույցում հայտնեց ՀՀ Զինված ուժերի Գլխավոր շտաբի պետ Արտակ Դավթյանը:
«Կոչին արձագանքել է մոտ 300 հարյուր մարդ, նրանցից նվազագույնը 156-ը նախկինում զինծառայությունից խուսափածներն են, ովքեր ներկայացել են ու պատրաստ են կատարել իրենց ծառայությանը», - ասաց Դավթյանը:
Նա նշեց, որ տվյալ զորակոչիկների համար նույն հավասար սկզբունքներն են, ինչ կազմակերպվում է մնացած բոլոր զորակոչիկների համար, և որևէ խնդիր այս պահի դրությամբ չկա: