Տիգրան Բալայանը մեկնաբանել է ՌԴ նախագահի մամուլի քարտուղարի հայտարարությունը

1 րոպեի ընթերցում

ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Հայաստանի արտաքին գործերի նախարարի մամուլի խոսնակ Տիգրան Բալայանը մեկնաբանել է Ռուսաստանի Դաշնության մամուլի խոսնակ Դմիտրի Պեսկովի հայտարարությունն այն մասին, թե Հայաստանի և Ադրբեջանի նախագահների հանդիպում Մոսկվայում չի կայանա, քանի որ Ռուսաստան է ժամանել Հայաստանի վարչապետը: «Արմենպրես»-ի հետ զրույցում ՀՀ ԱԳՆ մամուլի խոսնակն ընդգծեց, որ Դմիտրի Պեսկովը շատ կոռեկտ պատասխան է տվել ռուս լրագրողի ոչ կոռեկտ հարցին:

«Ռուս լրագրողը հարցրել է Մոսկվա կատարած այցի շրջանակներում Հայաստանի և Ադրբեջանի նախագահների հնարավոր հանդիպման մասին, ինչին պարոն Պեսկովը շատ կոռեկտ պատասխան է տվել, որ Հայաստանի նախագահը Մոսկվա չի ժամանել»,- ասաց Բալայանը:

Նա ընդգծեց, որ խնդիրն ավելի շատ այդ լրագրողի անտեղյակության մեջ է: «Հավանաբար, այդ լրագրողը տեղյակ չի եղել, որ Հայաստանում սահմանադրական փոփոխություններ են եղել և արդեն երկրի փաստացի ղեկավարը վարչապետն է: Ընդ որում՝ հետաքրքիր է, որ այդ լրագրողն անհայտ լրատվամիջոցից է եղել»,- ասաց Տիգրան Բալայանը:

Նա նաև հավելեց, որ ՀՀ վարչապետի մամուլի խոսնակն արդեն հայտարարել էր, որ Մոսկվայում Փաշինյան-Ալիև հանդիպում նախատեսված չէ:

Հայերեն English Русский

Գյումրին հնարավորություն ունի ընտրել լավ քաղաքապետ ու վերացնել անորոշությունները. Արայիկ Հարությունյան

ԿԽՄԿ նախագահի հետ հանդիպմանը Միրզոյանն անդրադարձել է Ադրբեջանում ապօրինաբար պահվող ռազմագերիների և քաղաքացիականների ազատ արձակման խնդրին

Գեղարքունիքի մարզի դպրոցականները դրամական մրցանակների են արժանացել «Թռիչք գրքի թևերով» խորագիրը կրող ընթերցանության մրցույթում

Brent-ը մեկ բարելի դիմաց էժանացել է մինչև 74,42 դոլար

Վլադիմիր Զելենսկին հայտարարել է, որ G7-ի հանդիպմանը զրուցել է Դոնալդ Թրամփի հետ

Շվեյցարիան կորոշի, թե որքանով է միանալու Ռուսաստանի դեմ ԵՄ պատժամիջոցներին

Գեղարքունիքի մարզի դպրոցականներն իրենց նախագծերն են ներկայացրել Մայրենի լեզվի միջազգային օրվան նվիրված շնորհանդեսին

Սևանում հանդիպում է կազմակերպվել ՀՀ Էկոնոմիկայի նախարարության Զբոսաշրջության կոմիտեի նախագահ Լուսինե Գևորգյանի հետ

Եվրամիությունը սկսել է քննարկել Ռուսաստանի դեմ պատժամիջոցների 17-րդ փաթեթը

ՀՀ տարածքում կան փակ և դժվարանցանելի ավտոճանապարհներ