Փարիզում ոստիկանությունն սկսել Է միգրանտների վերջին երկու ճամբարների տարհանումը

ԵՐԵՎԱՆ, 4 ՀՈՒՆԻՍԻ, ԱՐՄԵՆՊՐԵՍ: Ոստիկանությունը Փարիզում միգրանտների վերջին երկու ճամբարների երկրորդ տարհանումն Է իրականացնում վերջին հինգ օրում: Այդ մասին, ինչպես տեղեկացնում Է «Արմենպրես»-ը, հայտնել Է France Info ռադիոկայանը:

Գործողությունն սկսվել Է տեղական ժամանակով ժամը մոտավորապես 6:30-ին (Երեւանի ժամանակով ժամը 8:30-ին) եւ ներկայում ընթանում Է հանգիստ պայմաններում: Միգրանտների տարերայնորեն ստեղծված ճամբարները գտնվում են Սան Մարտենի ջրամբարի եւ Պորտ դե լա Շապելի մոտ:

Մայիսի 30-ին տարհանվել Էր Փարիզում միգրանտների առավել խոշոր ճամբարներից մեկը, այն ժամանակ տարաբնակեցվեց ավելի քան հազար մարդ, հաղորդել ՌԻԱ Նովոստին: