396.76
Արցախի մասնակցությունը բանակցություններին պատմաբանն այս պահին իրատեսական չի համարում
2 րոպեի ընթերցում
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Արցախի Հանրապետության նստելը բանակցությունների սեղանի շուրջ նստելն անհրաժեշտություն է, բայց դեռևս ոչ այնքան իրատեսական:
«Արմենպրես»-ի հաղորդմամբ` լրագրողների հետ զրույցում, անդրադառնալով ՀՀ վարչապետ Նիկոլ Փաշինյանի հայտարարությանը, որ Արցախը պետք է բանակցությունների սեղանի շուրջ նստի, այս մասին ասաց Երևանի պետական համալսարանի Պատմության ֆակուլտետի դեկան Էդիկ Մինասյանը:
Նրա կարծիքով՝ խաղաղ պայմաններում բանակցելը ճիշտ է, բայց դեռևս իրատեսական չի համարում այդ գործընթացը, քանի որ Ալիևը հանդես է գալիս սպառնալիքներով: Պատմաբանի պնդմամբ` այս հարցով, առայժմ որևէ առաջընթաց պետք չէ սպասել:
«Արցախի Հանրապետության՝ բանակցող կողմ լինելու հանգամանքը կարևոր է, և ես համարում եմ, որ միշտ է այդ հարցը օրակարգային է եղել: Այսօր Ադրբեջանը բանակցությունների չի գնում, քանի որ Ալիևն այդ ընթացքում միշտ տարբեր ռազմատենչ հայտարարություններով է հանդես գալիս` ընդհուպ Երևանը գրավելու կոչերով: Չեմ կարծում, որ Ադրբեջանը անգամ թեթև կզիջի, թեկուզ, որպեսզի Արցախն անկախ կարգավիճակ ունենա: Նրանք համարում են, որ ԱՀ-ն իրենց կազմում պիտի լինի և վերջ»,- ընդգծեց պատմաբանը:
Մայիսի 9-ին Արցախում մեկնարկած մամուլի ասուլիսի ընթացքում Հայաստանի Հանրապետության վարչապետ Նիկոլ Փաշինյանը Լեռնային Ղարաբաղի հակամարտության կարգավորման համար ամենակարևոր կոմպոնենտ է համարել ճիշտ ձևաչափով բանակցությունները, որոնց պետք է անպայման մասնակցություն ունենա նաև Արցախը:
Բաժանորդագրվեք մեր ալիքին Telegram-ում