Արթուր Աբրահամը նախապատրաստվում է առաջիկա մենամարտին 

ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Հայ պրոֆեսիոնալ բռնցքամարտիկ Արթուր Աբրահամը (46-6, 30) շարունակում է նախապատրաստվել առաջիկա մենամարտին:

«Արմենպրես»-ի հաղորդմամբ` Աբրահամն ապրիլի 28-ին մենամարտելու է դանիացի Պատրիկ Ռեյնհարդ Նիլսենի (29-2, 14) հետ:

Մենամարտը կայանալու է Գերմանիայի Օֆենբուրգ քաղաքի ''Բադեն'' արենայում:

Այս մենամարտի հաղթողը կդառնա վարկանիշային աղյուսակի առաջատար և նրա հաջորդ մենամարտը կլինի գերմիջին քաշային կարգի աշխարհի չեմպիոնի կոչման համար: