Գերմանիայի ոստիկանությունն ամենաընդգրկուն գործողությունն Է անցկացրել կազմակերպված հանցավորության դեմ
1 րոպեի ընթերցում
![Գերմանիայի ոստիկանությունն ամենաընդգրկուն գործողությունն Է անցկացրել կազմակերպված հանցավորության դեմ](http://armenpress.am/resized/480/static/news/b/2018/04/930394.jpg)
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: ԳԴՀ-ի ֆեդերալ ոստիկանությունը գերատեսչության գոյության ողջ ժամանակաշրջանում ամենախոշոր գործողությունն Է անցկացրել կազմակերպված հանցավորության դեմ, որի արդյունքում ձերբակալվել են 100-ից ավելի կասկածյալներ: Այդ մասին, ինչպես տեղեկացնում Է «Արմենպրես»-ը, ապրիլի 18-ին հայտնել Է Deutsche Welle հեռուստառադիոկայանը՝ վկայակոչելով իրավապահ մարմիններին: Գործողությունը, որն անցկացվել Է ամբողջ երկրում, ուղղված Էր «մարդկանց անօրինական տեղափոխումների, հարկադրական մարմնավաճառության եւ սեռական շահագործման դեմ», ասված Է հաղորդագրության մեջ, որը հրապարակվել Է Հյուսիսային Հռենոս-Վեստֆալիայի դաշնային երկրամասի ոստիկանության Twitter-ում, երկրամաս, որտեղ անցկացվել են ամենաընդգրկուն խուզարկությունները:
Ընդհանուր առմամբ գործողության ընթացքում գործի Էին դրվել հազարից ավելի ոստիկաններ: Խուզարկություններն անցկացվել են 60 հասարակաց տներում եւ մերսման սրահներում:
Ոստիկանությունը կասկածում Է մի խմբավորման, որը, ինչպես ենթադրվում Է, Թաիլանդից մարմնավաճառությամբ զբաղվելու համար Գերմանիա Է տեղափոխել մի քանի հարյուր կանանց ու տրանսսեքսուալների, հաղորդել Է «Ինտերֆաքս»-ը: