396.83
Քաղաքագետը Ռուսաստանի և արևմտյան երկրների միջև լարված հարաբերությունների լավացում առաջիկայում չի տեսնում
1 րոպեի ընթերցում
ԵՐԵՎԱՆ, 11 ԱՊՐԻԼԻ ԱՐՄԵՆՊՐԵՍ: Քաղաքագետ Ալեքսանդր Իսկանդարյանը գտնում է, որ Ռուսաստանի ևարևմտյաներկրների միջև շարունակվող լարված հարաբերությունների լավացում առաջիկայում չի սպասվում:
«Արմենպրես»-ի հաղորդմամբ` լրագրողների հետ հանդիպման ժամանակ քաղաքագետը նշեց, որ այդ ամենը միանշանակ ազդեցություն կունենա Ռուսաստանի տնտեսության վրա:
«Վերջերս թվում էր, թե երկրները ինչ-որ կերպ համաձայնության կգան Ուկրաինայի հարցում, դրանից հետո իրավիճակը կբարելավվի, սակայն Ռուբիկոնն արդեն անցած է»,-ասաց նա՝ հավելելով, որ առաջիկայում չի կարելի դրական փոփոխություն ակնկալել:
Ինչ վերաբերում է հետխորհրդային տարածքին՝ քաղաքագետը նշեց, որ Ուկրաինան կշարունակի տուժել այդ ամենից, Կովկասի հարավի վրա, սակայն, սա քիչ կազդի, Կենտրոնական Ասիայի վրա՝ էլ ավելի քիչ: «Հայաստանի դեպքում դեռ չեմ տեսնում, որ սրա հետ կապված քաղաքական դժվարություններ լինեն: Հայաստանը փոքր երկիր է, և հետաքրքիր չէ գերտերությունների համար»,-ասաց նա:
Բաժանորդագրվեք մեր ալիքին Telegram-ում