Ուկրաինայի հայերի միության ղեկավարը շնորհավորել Է Հայաստանի նորընտիր նախագահին
1 րոպեի ընթերցում
![Ուկրաինայի հայերի միության ղեկավարը շնորհավորել Է Հայաստանի նորընտիր նախագահին](http://armenpress.am/resized/480/static/news/b/2018/04/929241.jpg)
ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Ուկրաինայի հայերի միության (ՈւՀՄ) նախագահ Վիլեն Շատվորյանն ուղերձ Է հղել Հայաստանի նորընտիր նախագահին նրա պաշտոնակալության կապակցությամբ, տեղեկացնում Է «Արմենպրես»-ը:
Ինչպես AnalitikaUA.net-ին հայտնել են ՈւՀՄ-ի մամուլի ծառայությունում, ուղերձում, մասնավորապես ասված Է. «Մեծարգո Արմեն Վարդանի Սարգսյան. Ընդունեք Ուկրաինայի հայերի միություն հասարակական կազմակերպության եւ անձամբ իմ շնորհավորանքները այդ բարձր ու պատասխանատու պաշտոնն ստանձնելու կապակցությամբ: Մաղթում եմ, որ Ձեր ղեկավարությամբ մեր հայրենիքը ծաղկի ու բարգավաճի, որպեսզի Ձեր կառավարման ընթացքում մեր հայրենիքում իշխի խաղաղ ու անամպ երկինքը:
Թող Աստված օրհնի այն պատասխանատու ուղին, որը Դուք անցնելու եք, եւ այն ոչ դյուրին որոշումները, որոնք Դուք ընդունելու եք: Չնայած այն բանին, որ մենք Ուկրաինայի հայեր ենք, հեռու ենք գտնվում մեր պատմական Հայրենիքից, մենք չենք կորցնում նրա հետ կապերը եւ հրճվանք ենք ապրում նրա ամեն մի հաղթանակից: Մաղթում ենք, որ Ձեր կառավարման օրոք այդ հաղթանակները շատ լինեն:
Հանգանքով՝ Ուկրաինայի հայերի միության նախագահ Վիլեն Շատիվորյան»: