2 րոպեի ընթերցում
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ (Վարվառա Հայրապետյան, Բեռլին, Գերմանիա): Շախմատի հավակնորդների մրցաշարում մեկնարկեցին նախավերջին՝ 13-րդ տուրի պարտիաները:
«Արմենպրես»-ի հաղորդմամբ՝ այս տուրում հայկական շախմատի առաջատար Լևոն Արոնյանը խաղում է առաջատար Ֆաբիանու Կարուանայի հետ: Մյուս զույգերը կազմել են՝ Մամեդյարով (Ադրբեջան)- Գրիշչուկ (Ռուսաստան), Լիժեն (Չինաստան)-Կրամնիկ (Ռուսաստան), Սո (ԱՄՆ)-Կարյակին (Ռուսաստան):
12 տուրերից հետո հավակնորդների մրցաշարում երկիշխանություն է: Մեկնարկային տուրերում անհաջող խաղով աչքի ընկնող Սերգեյ Կարյակինը ևս պայքարում է հաղթողի կորման համար: Կարուանան և Կարյակինն ունեն 7-ական միավոր: 6,5-ական միավոր ունեն Լիժենը, Գրիշչուկը, Մամեդյարովը: Կրամնիկն ունի 5,5, իսկ Սոն՝ 5 միավոր: Լևոն Արոնյանն ունի միայն 4 միավոր և վերջին տեղում է:
- Լևոնի փոքրիկ հայ երկրպագուն Բեռլինում, ով եկել է հետևելու հայ գրոսմայստերի խաղին:
- Հավակնորդների մրցաշարի մուտքն արդեն տրամադրող է...
- Լևոնը խաղում է սև խաղաքարերով և փորձում է հարմար դիրք ստանալ...
- Հավակնորդների մրցաշարի լրագրողների համար նախատեսված ոչ լուսավոր սենյակը
- Առաջինն իրենց պարտիան խաղաղ ելքով ավարտեցին Սոն և Կարյակինը: Վերջինս խաղում էր սևերով և ասուլիսի ժամանակ գոհունակություն հայտնեց ոչ-ոքի արդյունքից: Կարյակինը և Կարուանան նախավերջին տուրում ունեին 7-ական միավոր և առաջատարներն են: Այժմ ռուս շախմատիստն ունի 7,5 միավոր, իսկ Կարուանան դեռևս խաղում է Արոնյանի հետ:
- Լևոնը փորձում է ելքեր գտնել ստեղծված դիրքից...
- Հավակնորդների մրցաշարն անցկացվում է Բեռլինի «Kühlhaus II»-ում, որը 5 հարկից բաղկացած կառույց է: Հիմնական մրցաշարն ընթանում է առաջին հարկում, իսկ ահա 4-րդ հարկում երկրպագուները ևս հնարավորություն ունեն շախմատ խաղալու: Միևնույն ժամանակ հետևելով պարտիաների ընթացքին:
Վարվառա Հայրապետյան, Բեռլին Գերմանիա