1 րոպեի ընթերցում
ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ: Բեռլինում ընթացող հավակնորդների մրցաշարում մեկնարկեցին 11-րդ տուրի պարտիաները:
«Արմենպրես»-ի հաղորդմամբ` 11-րդ տուրում Արոնյանը սպիտակներով խաղում է Կարյակինի հետ: Մյուս զույգերը կազմել են` Լիժեն (Չինաստան)- Գրիշչուկ (Ռուսաստան), Սո (ԱՄՆ)-Մամեդյարով (Ադրբեջան), Կարուանա (ԱՄՆ)-Կրամնիկ (Ռուսաստան):
10-րդ տուրից հետո մրցաշարային աղյուսակը շարունակում է գլխավորել Ֆաբիանու Կարուանա, ով ունի 6,5 միավոր: Շահրիյար Մամեդյարովն ունի 6, Ալեքսանդր Գրիշչուկը` 5,5, Կարյակինը, Լիժենը` 5, Կրամնիկը` 4,5, Սոն` 4, իսկ Լևոն Արոնյանը՝ 3,5 միավոր:
14 տուրի ընթացքում շախմատիստները միմյանց հետ կխաղան երկուական անգամ` սպիտակ և սև խաղաքարերով: Գրոսմայստերները կունենան 4 հանգստյան օր: Հաղթողն իրավունք կստանա մրցամարտ անցկացնել աշխարհի չեմպիոն Մագնուս Կարլսենի հետ, որը կկայանա նոյեմբերի 9-28-ին Լոնդոնում: