1 րոպեի ընթերցում
ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: Շախմատի հավակնորդների մրցաշարում մեկնարկեցին 10-րդ տուրի պարտիաները:
«Արմենպրես»-ի հաղորդմամբ` հայկական շախմատի առաջատար Լևոն Արոնյանը սև խաղաքարերով մրցում է աշխարհի նախկին չեմպիոն Վլադիմիր Կրամնիկի հետ: Մյուս զույգերն են. Գրիշչուկ (Ռուսաստան)-Կարյակին (Ռուսաստան), Մամեդյարով (Ադրբեջան)- Կարուանա (ԱՄՆ), Լիժեն (Չինաստան)- Սո (ԱՄՆ):
9 տուրից հետո 6 միավորով մրցաշարային աղյուսակի միանձնյա առաջատարը Ֆաբիանու Կարուանան է (ԱՄՆ): 5,5 միավորով երկրորդ տեղում Շահրիյար Մամեդյարովն է (Ադրբեջան): Եռյակը 5 միավորով եզրափակում է Ալեքսանդր Գրիշչուկը (Ռուսաստան): Սերգեյ Կարյակինը (Ռուսաստան) և Դին Լիժենը (Չինաստան) ունեն 4,5 միավոր: Արոնյանը, Ուեսլի Սոն (ԱՄՆ) և Վլադիմիր Կրամնիկը (Ռուսաստան) ունեն 3,5-ական միավոր:
14 տուրի ընթացքում շախմատիստները միմյանց հետ կխաղան երկուական անգամ` սպիտակ և սև խաղաքարերով: Գրոսմայստերները կունենան 4 հանգստյան օր: Հաղթողն իրավունք կստանա մրցամարտ անցկացնել աշխարհի չեմպիոն Մագնուս Կարլսենի հետ, որը կկայանա նոյեմբերի 9-28-ին Լոնդոնում: