1 րոպեի ընթերցում
ԵՐԵՎԱՆ, 7 ՄԱՐՏԻ, ԱՐՄԵՆՊՐԵՍ: Հայաստանի գնդակային հրաձգության առաջնությանը կմասնակցեն շուրջ 70 մարզիկներ:
«Արմենպրես»-ի հաղորդմամբ` մարտի 9-11-ը տեղի կունենա Հայաստանի գնդակային հրաձգության մեծահասակների առաջնությունը, որին կմասնակցի շուրջ 70 մարզիկ ու մարզուհի՝ Երևանի հրաձգության մանկապատանեկան մարզադպրոցից, Հրաձգության հանրապետական մարզադպրոցից, Զինաիդա և Յուրի Սիմոնյանների անվան հրաձգության դպրոցից, Գյումրու քաղաքապետարանի հրաձգության մարզադպրոցից, Մ. Սեբաստացի կրթահամալիրից և Վանաձորից:
Փոխվել է մրցումների կանոնակարգը, այսուհետ կանայք բոլոր օդամղիչ վարժություններից կկատարեն 60 կրակոց, ինչպես տղամարդիկ: 40 կրակոց կկատարեն տղամարդիկ և կանայք միայն վազող թիրախ խառը վազք վարժությունից:
Հաղթողները և 1-ին տեղը գրաված մարզիկի անձնական մարզիչը կարժանանան դրամական պարգևի, դիպլոմի և մեդալի: