1 րոպեի ընթերցում
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Հնդկաստանի Մումբայ քաղաքի վիրաբույժների խումբը կարողացել է բարեհաջող կերպով հեռացնել ուղեղի՝ 1.8 կգ կշռող ուռուցքը: Ինչպես հաղորդում է «Արմենպրես»-ը, այս մասին հայտնում է The Hindu պարբերականը:
Վիրահատությունը տևել է վեց ժամ: Նյարդավիրաբույժ Տիրումուրտի Նադկարինի խոսքով՝ բացառված չէ, որ ուռուցքն աշխարհում ամենամեծն է. այն ավելի մեծ էր, քան հիվանդի գլուխը:
31-ամյա Սանտալ Պալի մոտ ուռուցք էր հայտնաբերվել դեռևս երեք տարի առաջ, սակայն բժիշկներից ոչ ոք ռիսկի չէր դիմում իրականացնելու այդ դժվարին վիրահատությունը:
Հիվանդության հետևանքով Պալը կորցրել էր տեսողությունը, սակայն բժիշկները հուսով են, որ ուռուցքի հեռացումից հետո նա կկարողանա տեսնել:
Նրա կյանքին ոչինչ չի սպառնում: