Հայաստանից 12 շախմատիստ կմասնակցի «Աէրոֆլոտ օփեն»-ին 

ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Հայաստանը ներկայացնող 12 շախմատիստ կմասնակցի Մոսկվայում մեկնարկող «Աէրոֆլոտ օփեն»-ին:

«Արմենպրես»-ի հաղորդմամբ` փետրվարի 19-ից մարտի 2-ը Ռուսաստանի մայրաքաղաք Մոսկվայում տեղի կունենա Աէրոֆլոտ Օփեն խոշոր շախմատային փառատոնը, որի շրջանակում կանցկացվի 3 մրցաշար:

Գլխավոր՝ A մրցաշարին, կմասնակցեն Հայաստանի ազգային հավաքականի անդամներ Գաբրիել Սարգսյանը և Հայկ Մարտիրոսյանը, գրոսմայստերներ Մանուէլ Պետրոսյանը, Արման Միքայելյանը և միջազգային վարպետներ Արամ Հակոբյանը և Շանթ Սարգսյանը:

B մրցաշարին կմասնակցեն Տիգրան Հարությունյանը, Հովիկ Հայրապետյանը, Տիգրան Քոթանջյանը, Դավիթ Միրզոյանը և Հովհաննես Հակոբյանը:

C մրցաշարում այս պահին Հայաստանից գրանցվել է միայն մեկ մասնակից՝ Մարկ Բասենցյանը: