Բռնցքամարտը կարող է դուրս մնալ Տոկիոյի օլիմպիական խաղերի ծրագրից
1 րոպեի ընթերցում
![Բռնցքամարտը կարող է դուրս մնալ Տոկիոյի օլիմպիական խաղերի ծրագրից](http://armenpress.am/resized/480/static/news/b/2018/02/921432.jpg)
ԵՐԵՎԱՆ, 5 ՓԵՏՐՎԱՐԻ, ԱՐՄԵՆՊՐԵՍ: Միջազգային օլիմպիական կոմիտեն սպառնում է բռնցքամարտը հանել 2020 թվականի Օլիմպիական խաղերի ծրագրից:
«Արմենպրես»-ի հաղորդմամբ` այս մասին հայտարարել է ՄՕԿ նախագահ Թոմաս Բախը: Միջազգային օլիմպիական կոմիտեն դադարեցրել է բռնցքամարտի միջազգային ֆեդերացիայի` AIBA-ի ֆինանսավորումը: Բախի խոսքով՝ ՄՕԿ-ը հետաքննություն է սկսել AIBA-ի ղեկավարության դեմ:
Նման որոշումը կարող է կապված լինել ֆինանսական սկանդալի հետ: Օրեր առաջ AIBA-ի արտահերթ նիստում հրաժարական էր տվել ֆեդերացիայի նախագահի պաշտոնակատար Ֆրանկո Ֆալչինելին: