Բասկետբոլիստ Անդրե Սփայթ-Մկրտչյանը 32 միավոր վաստակեց «Մոնտանա»-ի հետ մրցավեճում 

ԵՐԵՎԱՆ, 2 ՓԵՏՐՎԱՐԻ, ԱՐՄԵՆՊՐԵՍ: Հայաստանի բասկետբոլի հավաքականի անդամ Անդրե Սփայթ-Մկրտչյանը հաջող է հանդես եկել NCAA-ի հերթական տուրում:

«Արմենպրես»-ի հաղորդմամբ` NCAA-ի հերթական տուրում «Նորթերն Կոլորադոն»-ն, որտեղ հանդես է գալիս Հայաստանի ազգային հավաքականի խաղացող Անդրե Սփայթ-Մկրտչյանը, 88-79 հաշվով պարտություն կրեց «Մոնտանա» ակումբից:

Անդրե Սփայթ-Մկրչյանը խաղադաշտում անցկացրեց 38 րոպե և վաստակեց 32 միավոր:

Հայաստանի երիտասարդական հավաքականի խաղացող Միքայել Հակոբյանի «Սուֆֆոլկը» 88-84 հաշվով պարտվեց «Ալբերտուս մագնուս» ակումբին:

Միքայել Հակոբյանը խաղադաշտում անցկացրեց 35 րոպե և վաստակեց 27 միավոր:

«Այդահո Սթեյթը» , որտեղ հանդես է գալիս Հայաստանի երիտասարդական հավաքականի խաղացող Կարեն Չիվիչյանը , 63-61 հաշվով առավելության հասավ «Նորթերն Արիզոնայի» նկատմամբ:

Կարեն Չիվիչյանը խաղադաշտում անցկացրեց 25 րոպե և վաստակեց 18 միավոր: