368.54
18-ամյա Հայկ Մարտիրոսյանը շախմատի Հայաստանի նոր չեմպիոնն է
1 րոպեի ընթերցում
ԵՐԵՎԱՆ, 22 ՀՈՒՆՎԱՐԻ, ԱՐՄԵՆՊՐԵՍ: Շախմատի Հայաստանի տղամարդկանց 78-րդ առաջնության չեմպիոնը 18-ամյա Հայկ Մարտիրոսյանն է:
«Արմենպրես»-ի հաղորդմամբ` մրցաշարի վերջին տուրը որոշիչ էր չեմպիոնի տիտղոսի համար: Ռոբերտ Հովհաննիսյանը և Հայկ Մարտիրոսյանը վիճարկում էին երկրի չեմպիոնի տիտղոսը: Հայկը խաղում էր սպիտակ խաղաքարերով և պարտիայի ստիպեց Հովհաննիսյանին անձնատուր լինել: 10 հնարավորից հավաքելով 7 միավոր` Հայկ Մարտիրոսյանy դարձավ Հայաստանի չեմպիոն: Երկրորդ տեղում Ռոբերտ Հովհաննիսյանն է, իսկ եռյակի վերջում` Արման Փաշիկյանը:
Հայկ Մարտիրոսյանն առաջին անգամ է դառնում Հայաստանի չեմպիոն: Ծնունդով արտաշատցի գրոսմայստերը աշխարհի մինչև 16 տարեկանների չեմպիոն է (2016 թվական): Հայկը շախմատ խաղալ սկսել է 5 տարեկանից:
Բաժանորդագրվեք մեր ալիքին Telegram-ում