1 րոպեի ընթերցում
ԵՐԵՎԱՆ, 18 ՀՈՒՆՎԱՐԻ, ԱՐՄԵՆՊՐԵՍ: Դերասան Արմեն Ջիգարխանյանը հոսպիտալացվել Է Մոսկվայի իր թատրոնից: Հունվարի 18-ին այս մասին ՏԱՍՍ-ին հայտնել Է բժշկական շրջանակների մի աղբյուր, տեղեկացնում Է «Արմենպրես»-ը:
«Շտապ օգնությունն Արմեն Ջիգարխանյանին իր թատրոնից հոսպիտալացրել Է Պիրոգովսկայա հիվանդանոց՝ հիպերտոնիկ կրիզ ախտորոշմամբ: Բժիշկները նաեւ կասկածում են նեւրալգիա եւ որ արտիստը վարակվել Է վիրուսով»,- ասել Է գործակալության զրուցակիցը:
Աղբյուրի խոսքով՝ արտիստի մոտ ընդհանուր թուլություն Է դիտվում, բայց նա գիտակից վիճակում Է: