398.84
Սերժ Սարգսյանն ԱԺ ղեկավարությանն առաջարկել է առանձին ապրանքների գնաճի վերաբերյալ լսումներ կազմակերպել
1 րոպեի ընթերցում
ԵՐԵՎԱՆ, 12 ՀՈՒՆՎԱՐԻ, ԱՐՄԵՆՊՐԵՍ: Հայաստանի Հանրապետության Նախագահ Սերժ Սարգսյանն Ազգային ժողովի ղեկավարությանն առաջարկել է խորհրդարանական լսումներ կազմակերպել առանձին ապրանքատեսակների գնաճի և դրա հետևանքների մեղմման լուծումների վերաբերյալ: Ինչպես հաղորդում է «Արմենպրես»-ը, Ազգային ժողովի ղեկավար կազմի հետ հանդիպմանը ՀՀ Նախագահը հիշեցրել է, որ մի քանի օր առաջ խորհրդակցություն էր հրավիրել առանձին ապրանքատեսակների գնաճի և դրա հետևանքների մեղմման լուծումների շուրջ:
«Խորհրդարանը պետք է իր ձեռքը պահի երկրի զարկերակի վրա, և սա բնական է: Ազգային ժողովն արդեն մի քանի ուշագրավ խորհրդարանական լսումներ է անցկացրել, և գուցե արժե նաև այս հարցի շուրջ նման լսումներ կազմակերպել, որպեսզի հարցը հանգամանորեն հրապարակավ քննարկվի, և մարդիկ տեսնեն իրողությունները: Ինքներդ տեսեք նպատակահարմարությունը, բայց կարծում եմ, որ օգտակար կարող է լինել»,- ասել է ՀՀ Նախագահը:
Բաժանորդագրվեք մեր ալիքին Telegram-ում