396.58
Մրցակիցս բավականին ուժեղ էր. Նարեկ Աբգարյան
1 րոպեի ընթերցում
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Բռնցքամարտի Հայաստանի հավաքականի անդամ, Ռիոյի Օլիմպիական խաղերի մասնակից Նարեկ Աբգարյանի հերթական մրցակիցը պրոֆեսիոնալ ռինգում բավականին ուժեղ էր:
«Պրոֆեսիոնալ ռինգում իմ այս մրցակիցն իսկապես համառ էր: Նրանք, ովքեր դիտել են մենամարտը, վստահ կհաստատեն, որ ուժեղ հակառակորդ էր: Բայց, ինչպես ասում է ասացվածքը, չկա մի կողպեք, որ բանալի չունենա: Ռինգում ես անում էի իմ գործը, և ինձ հաջողվեց գերազանցել նրան»,-«Արմենպրես»-ի հետ զրույցում ասաց Աբգարյանը:
Նարեկ Աբգարյանը պրոֆեսիոնալ ռինգում տոնեց իր 7-րդ հաղթանակը:
Բաժանորդագրվեք մեր ալիքին Telegram-ում