Երիտասարդ շախմատիստները մեկնարկում են աշխարհի առաջնությունում 

ԵՐԵՎԱՆ, 13 ՆՈՅԵՄԲԵՐԻ, ԱՐՄԵՆՊՐԵՍ: Հայաստանը ներկայացնող 4 երիտասարդ շախմատիստներ այսօր մեկնարկում են աշխարհի մինչև 20 տարեկանների առաջնությունում:

«Արմենպրես»-ի հաղորդմամբ` առաջնությունն անցկացվում է Իտալիայի Տարվիզիո քաղաքում, որտեղ Հայաստանը ներկայացնում են գրոսմայստերներ Մանուէլ Պետրոսյանը և Հայկ Մարտիրոսյանը, միջազգային վարպետներ Տիգրան Հարությունյանը և Սիրանուշ Ղուկասյանը:

Առաջնությունը կեզրափակվի նոյեմբերի 25-ին: