Սամարայի ոստիկանության կողմից հետախուզվող անձն ինքնակամ ներկայացել է ՀՀ ոստիկանության Քանաքեռ-Զեյթունի բաժին

ԵՐԵՎԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ: ՀՀ ոստիկանության Քանաքեռ-Զեյթունի բաժնի ծառայողների ձեռնարկած միջոցառումների և բացատրական աշխատանքների շնորհիվ, նոյեմբերի 9-ին, ժամը 14.10-ին, կամավոր բաժին է ներկայացել 1989 թ. ծնված Էդգար Գ.-ն, որը հոկտեմբերի 16-ից ՌԴ ՆԳՆ Սամարայի մարզի ոստիկանության կողմից հետախուզվում էր ՌԴ քրեական օրենսգրքի 158 հոդվածի (գողություն) 4-րդ մասի «Բ» կետի մեղադրանքով: Այս մասին «Արմենպրես»-ը տեղեկացավ ՀՀ ոստիկանության պաշտոնական կայքից։