Իսպանիայի դատարանը տվել է Պուչդեմոնին ձերբակալելու միջազգային օրդեր
1 րոպեի ընթերցում
![Իսպանիայի դատարանը տվել է Պուչդեմոնին ձերբակալելու միջազգային օրդեր](http://armenpress.am/resized/480/static/news/b/2017/11/911163.jpg)
ԵՐԵՎԱՆ, 2 ՆՈՅԵՄԲԵՐԻ, ԱՐՄԵՆՊՐԵՍ: Իսպանիայի դատարանը տվել է պաշտոնից հեռացված Կատալոնիայի նախկին ղեկավար Կառլես Պուչդեմոնին և տարածաշրջանային կառավարության նախկին 4 անդամներին ձերբակալելու միջազգային օրդեր, ովքեր նոյեմբերի 1-ին ցուցմունքներ տալու համար ի հայտ չեն եկել: «Արմենպրես»-ի փոխանցմամբ, այդ մասին հաղորդում է La Vanguardia թերթը:
Բացի այդ, դատարանը որոշել է անազատության մեջ պահել պաշտոններից հեռացված կատալոնական կառավարության 8 ներկայացուցիչներին, ովքեր այսօր ցուցմունք են տվել Մադրիդում: Դատարանի որոշումը տարածվում է նաև ինքնավարության ղեկավարի նախկին տեղակալ Օրիոլ Ժունկերասի վրա:
Դատարանը ինքնավարության կառավարության նախկին անդամներին մեղադրում է ապստամբության և հափշտակության մեջ: