Սի Ցզինպինը խոստացել Է Չինաստանը վերածել հզոր պետության

ԵՐԵՎԱՆ, 18 ՀՈԿՏԵՄԲԵՐԻ, ԱՐՄԵՆՊՐԵՍ: Չինաստանի կոմունիստական կուսակցությունը կշարունակի ակտիվ ջանքեր գործադրել համաշխարհային կարգի պահպանման համար եւ մտադիր Է ՉԺՀ-ն վերածել հզոր պետության: Այդ մասին, ինչպես տեղեկացնում Է «Արմենպրես»-ը, հայտարարել Է ՉԺՀ-ի առաջնորդ Սի Ցզինպինը՝ Պեկինում ելույթ ունենալով ՉԿԿ-ի 17-րդ համագումարի բացմանը:

«Չինաստանը կշարունակի ջանքեր գործադրել մոլորակի խաղաղությունը պահպանելու համար, կշարունակի իր ավանդը ներդնել գլոբալ տաքացման մեջ»,-ասել Է նա: ՑԿզինպինի խոսքով՝ մինչեւ 2050 թվականը Չինաստանը պետք Է ավելի ուժեղանա: «Առաջին փուլում՝ 2020 թվականից մինչեւ 2035 թվականը, մենք կամրապնդենք միջին բարեկեցության հասարակության բազան ու եւս 15 տարվա համառ աշխատանքի շնորհիվ կհասնենք ամբողջական արդիականացման»,-հայտարարել Է նա:

Երկրորդ փուլում՝ 2035 թվականից մինչեւ 21-րդ դարի կեսը, ինչպես նշել Է ՉԺՀ-ի ղեկավարը, ՉԿԿ-ն մտադիր Է Չինաստանը վերածել հարուստ, հզոր, ժողովրդավարական, ներդաշնակ, քաղաքակիրթ, արդիականացված սոցիալիստական պետության: Ինչպես ընդգծել Է Սի Ցզինպինը, «չինական երազանքը սերտորեն կապված Է մյուս երկրների ժողովուրդների երազանքների հետ, այն կարող Է իրականանալ միայն խաղաղ միջազգային մթնոլորտում եւ կայուն միջազգային կարգի պայմաններում»: Չինաստանի ղեկավարը նաեւ կոչ Է արել ՉԿԿ-ին՝ ակտիվորեն պաշտպանել երկրի ինքնիշխանությունը եւ վճռականորեն պայքարել անջատողականության եւ ազգային միասնությունը խախտող բոլոր գործողությունների դեմ:

Բացի այդ, Սի Ցզինպինը նշել Է, որ Կոմկուսը պետք Է վճռականորեն կասեցնի երկրի սոցիալիստական համակարգի եւ կուսակցության ղեկավարության դեմ ուղղված գործողությունները, ինչպես նաեւ վճռականորեն պաշտպանի ժողովրդի շահերը եւ պայքարի քաղաքացիների շահերին վնասող գործողությունների դեմ, հաղորդել Է ՌԻԱ Նովոստին: