368.59
ՆԱՏՕ-ի հետ համագործակցության հարցում Հայաստանը որևէ կաշկանդվածություն չունի. Վաղարշակ Հարությունյան
1 րոպեի ընթերցում
ԵՐԵՎԱՆ, 4 ՀՈԿՏԵՄԲԵՐԻ, ԱՐՄԵՆՊՐԵՍ: ՆԱՏՕ-ի հետ համագործակցության հարցում Հայաստանը որևէ կաշկանդվածություն չունի: Այս մասին «Արմենպրես»-ի մամուլի սրահում հրավիրված ասուլիսում նշեց ՀՀ պաշտպանության նախկին նախարար Վաղարշակ Հարությունյանն` անդրադառնալով լրագրողների այն հարցին, թե արդյոք Հայաստանը կաշկանդվածություն ունի ՆԱՏՕ-ի հետ համագործակցության հարցում:
«Ես ուզում եմ հարց տալ, Վրաստանը, Ուկրաինան և այլ պետությունները ՆԱՏՕ-ի հետ համագործակցության ի՞նչ մակարդակի են հասել: Պատասխանում եմ` նույն մակարդակի, ինչ Հայաստանը: Մենք գործակցում ենք նրանց հետ մի ծրագրի շրջանակում «Անհատական համագործակցության ծրագիր»: Հիմա հաջորդ հարցը, ինչպե՞ս եղավ, որ Հայաստանը մի կողմից ունի երաշխավորած պայմանագիր, որտեղ ՀԱՊԿ-ը և Ռուսաստանն ապահովում են մեր անվտանգությունն ագրեսիայի դեպքում, մյուս կողմից մենք ունենք ՆԱՏՕ-ի հետ համագործակցություն նույն շրջանակում, բայց ՆԱՏՕ-ն ոչ Ադրբեջանին, ոչ Ուկրաինային երաշխիք չի տալիս»,-ասաց Վաղարշակ Հարությանը:
Բաժանորդագրվեք մեր ալիքին Telegram-ում