Պատանի շախմատիստները շարունակում են ելույթները Եվրոպայի առաջնությունում

ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: Ռումինիայի Մամայա քաղաքում կայացավ Եվրոպայի պատանեկան առաջնության 2-րդ տուրը:

«Արմենպրես»-ի հաղորդմամբ` երկրորդ տուրում մեր 36 պատվիրակներից 23-ը հաղթանակներ տարան, 6-ը իրենց պարտիաներն ավարտեցին հաշտությամբ, իսկ 7 շախմատիստ պարտություն կրեցին: Մրցաշարում 2-րդ հաղթանակները տոնեցին և առաջատարների խմբում են ընթանում Բենիկ Աղասարովը և Գագիկ Նավոյանը (Մ8 տարեկան տղաներ), Ռոբերտ Փիլիպոսյանը (Մ10 տարեկան տղաներ),Էդուարդ Հակոբյանը(Մ14 տարեկան տղաներ), Արամ Հակոբյանը(Մ16 տարեկան տղաներ), Կոնստանտին Յայլոյանը(Մ18 տարեկան տղաներ), Մարիամ Մկրտչյանը(Մ14 տարեկան աղջիկներ) և Սոնա Ասատրյանը (Մ18 տարեկան աղջիկներ): Առաջնությունում առաջին հաղթանակները նշեցին միջազգային վարպետներ Հայկ Մարտիրոսյանը և Շանթ Սարգսյանը: