Հունգարիան Եվրամիությանը խնդրում է վճարել միգրանտների դեմ կառուցված ցանկապատի արժեքի կեսը
1 րոպեի ընթերցում
![Հունգարիան Եվրամիությանը խնդրում է վճարել միգրանտների դեմ կառուցված ցանկապատի արժեքի կեսը](http://armenpress.am/resized/480/static/news/b/2017/09/903842.jpg)
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Հունգարիայի վարչապետը Եվրամիությանը խնդրում է վճարել միգրանտների ներթափանցումը կանխելու համար երկրի հարավային սահմանին կառուցված ցանկապատների արժեքի կեսը: Ինչպես հաղորդում է«Արմենպրես»-ը, այս մասին հայտնում է voanews-ը:
Հունգարիայի վարչապետ Վիկտոր Օրբանի՝ Եվրահանձնաժողովի նախագահ Ժան Կլոդ Յունկերին ուղղված նամակում ասվում է, որ դեռևս 2015 թվականին կառուցված ցանկապատները միգրանտների անօրինական ներհոսքից պաշտպանում են ոչ միայն Հունգարիան, այլև ամբողջ Եվրոպան:
ԵՄ առաջնորդները քննադատել են Հունգարիային, քանի որ վերջինս հրաժարվում է ընդունել որևէ ներգաղթյալի Հունաստանից և Իտալիայից: