«Գազի Հերակլիոն 2017» միջազգային շախմատային մրցաշարում Հայաստանը կունենա 3 մասնակից

ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Հունաստանում մեկնարկում է ամենամյա «Գազի Հերակլիոն 2017» միջազգային շախմատային մրցաշարը, որն անցկացվում է արդեն 13-րդ անգամ։ Այն տևելու է մինչև օգոստոսի 5-ը, խաղացվելու է 9 տուր:

«Արմենպրես»-ի հաղորդմամբ` «Գազի Հերակլիոն 2017»-ի մասնակիցների թիվը 94-ն է։ Հայաստանից մասնակցում են Լիլիթ Գալոյանը(2277),Մարիա Գևորգյանն(2256) ու Դավիթ Սանթրյանը (1965):

Խաղերի սկիզբը տրվելու է Երևանի ժամանակով 18։30-ին։ Միայն 2-րդ փուլըկսկսվի 12։00-ին, իսկ վերջինը՝ 11։00-ին։