1 րոպեի ընթերցում
ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: «Սևանա լիճ» շախմատային միջազգային մրցաշարն այս տարի կունենա 10 մասնակից:
«Արմենպրես»-ի հաղորդմամբ` հուլիսի 13-ին կմեկնարկի ամենամյա «Սևանա լիճ» միջազգային մրցաշարը։ Այս տարի մրցաշարի մասնակիցներն են Բասսեմ Ամինը (Եգիպտոս), Դանիիլ Դուբովը (Ռուսաստան), Իգոր Կովալենկոն (Լատվիա), Մարտին Կրավցիվը (Ուկրաինա), Դարիուշ Շվերցը(Լեհաստան), Թամիր Նաբատին (Իսրայել), Սամվել Տեր-Սահակյանը, Հովհաննես Գաբուզյանը, ՄանուԷլ Պետրոսյանը և Հայկ Մարտիրոսյանը (Հայաստան):
Խաղերը կընթանան հուլիսի 14-22-ը Սևանի «Բեսթ Վեսթերն ԲոհեմիանՌեզորթ» հյուրանոցային համալիրում։