1 րոպեի ընթերցում
ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ: Լիբանանի ամերիկյան գիտական եւ արհեստագիտական համալսարանը արաբերենով հրատարակել է «Արեւելյան եկեղեցիների նահատակները» խորագիր կրող գիրք: «Արմենպրես»-ին այս մասին տեղեկացրին Մեծի Տանն Կիլիկիո կաթողիկոսարանի լրատվական ծառայությունից: Ավելի քան հազար էջից բաղկացած գիրքը լույս է տեսել Մարունիթ եկեղեցու Դպրեվանքի սաների միության նախաձեռնությամբ:
Մոտ մեկ տարի առաջ գրքի խմբագրական կազմը հանդիպում էր ունեցել Ն.Ս.Օ.Տ.Տ. Արամ Ա. Կաթողիկոսի հետ եւ լսել ծրագրի իրագործման հետ կապված նրա թելադրանքները:
Գրքում ներառված են նաեւ Մերձավոր Արեւելքի երկրներում նահատակված հայ սրբերը: