Հայկ Մարտիրոսյանը` Կարեն Ասրյանի հուշամրցաշարի հաղթող

ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Կարեն Ասրյանի անվան հուշամրցաշարում հաղթեց Հայկ Մարտիրոսյանը:

«Արմենպրես»-ի հաղորդմամբ` Ջերմուկում ընթացող հուշամրցաշարում 9 հնարավորից հավաքելով 7 միավոր Հայկ Մարտիրոսյանը դարձավ մրցաշարի հաղթող: Նույնքան միավոր ունեին նաև Տիգրան Քոթանջյանը և բելառուս Անդրեյ Ժիգալկոն, սակայն վերջիններս զիջում էին լրացուցիչ միավորներով:

Կարեն Ասրյանը նորանկախ Հայաստանի ուժեղագույն շախմատիստներից մեկն էր: Նա ոսկե տառերով է գրել իր անունը հայկական և համաշխարհային շախմատի պատմության էջերում: