397.35
Հրանտ Դինքն ամեն գնով պայքարեց մարդու իրավունքների համար. ավստրալացի պատգամավոր
1 րոպեի ընթերցում
ԵՐԵՎԱՆ, 30 ՄԱՅԻՍԻ, ԱՐՄԵՆՊՐԵՍ: Ավստրալիայի դաշնային խորհրդարանի անդամ Ջեյսոն Ֆալինսկին Ներկայացուցիչների պալատում պոլսահայ լրագրող Հրանտ Դինքի սպանության 10-րդ տարելիցի առնչությամբ հանդես է եկել ելույթով: Ինչպես հաղորդում է «Արմենպրես»-ը, այս մասին հայտնում է Հայ դատի Ավստրալիայի հանձնախումբը:
«Հրանտ Դինքն իր ողջ կյանքը նվիրել է հայ-թուրքական հարաբերությունների կարգավորմանը: Նա իր լրագրողական կարիերան ձոնել է հայ ժողովրդի դժվարությունները ճանաչելուն ու փորձել է հաշտեցում ստեղծել մշակույթների միջև: Չնայած ծայրահեղականների կողմից Հայոց ցեղասպանության մասին իր հայտարարությունների առնչությամբ հնչեցվող սպառնալիքներին՝ Հրանտ Դինքը շարունակեց ամեն գնով պայքարել մարդու իրավունքները պաշտպանելու համար»,- նշել է պատգամավորը:
Նա ընդգծել է, որ չնայած Դինքի ողբերգական մահվան՝ նա միշտ կհիշվի իրավունքները պաշտպանելու ու արդարությունն առաջ մղելու գործում իր նվիրվածության ու քաջության համար:
Բաժանորդագրվեք մեր ալիքին Telegram-ում