Անտոնիո Բանդերասին շտապ կարգով հոսպիտալացրել են Մեծ Բրիտանիայում. Sun

ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Անտոնիո Բանդերասը կրծքավանդակի շրջանում ուժեղ ցավերով շտապ կարգով հոսպիտալացվել Էր Մեծ Բրիտանիայում: Այդ մասին, ինչպես տեղեկացնում Է «Արմենպրես»-ը, հայտնել Է Sun թերթը:

Հրատարակության տեղեկատվությամբ, 56-ամյա դերասանը, որը Մեծ Բրիտանիա Էր տեղափոխվել 2015 թվականին, իրեն վատ Է զգացել վարժանքի ժամանակ եւ շտապ կարգով Սուրեյի կոմսության հիվանդանոց տեղափոխվել հունվարի 26-ին: Բուժզննումից հետո բժիշկները հնարավոր են համարել նրան տուն ուղարկել:

Թերթի լրագրողների հետ զրույցի ժամանակ Բանդերասը շնորհակալություն Է հայտնել բժիշկներին եւ իր հետ պատահածը որակել Է «Էպիզոդ»:

Բանդերասը նկարահանվել Է այնպիսի ֆիլմերում, ինչպիսիք են «Հուսահատվածը» (1995 թ.), «Չորս սենյակ» (1995 թ.), «Զորոյի դիմակը» (1998 թ.) եւ այլ ժապավեններում, հաղորդել Է ՏԱՍՍ-ը:

Լուսանկարը` AP