Պետական կազմակերպությունները գնումներ կիրականացնեն Armeps համակարգով
1 րոպեի ընթերցում
![Պետական կազմակերպությունները գնումներ կիրականացնեն Armeps համակարգով](http://armenpress.am/resized/480/static/news/b/2016/11/866464.jpg)
ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Էլեկտրոնային գնումների համակարգն օգտագործող պատվիրատուների շրջանակն ընդլայնելու անհրաժեշտությամբ պայմանավորված` ՀՀ կառավարությունը լրացում կատարեց նախկինում ընդունած որոշումներից մեկում: ՀՀ ֆինանսների նախարար Վարդան Արամյանը նշեց, որ 2017թ. ապրիլի 1-ից էլեկտրոնային գնումների Armeps համակարգի միջոցով կիրականացվեն նաև պետության հիսուն տոկոսից ավելի բաժնեմաս ունեցող կազմակերպությունների կողմից իրականացվող գնումները, ինչը կնվազեցնի ինչպես թղթատարությունը, այնպես էլ կոռուպցիոն ռիսկերը:
«Արմենպրես»-ի փոխանցմամբ` գործող օրենսդրության համաձայն պետության կամ համայնքի հիսուն տոկոսից ավելի բաժնեմաս ունեցող կազմակերպություններն իրենց կարիքների համար գնումներն իրականացնում են փաստաթղթային եղանակով: