Աշխարհի ամենաբարձր ապակե կամուրջը փակել են վերակառուցման համար

ԵՐԵՎԱՆ, 5 ՍԵՊՏԵՄԲԵՐԻ, ԱՐՄԵՆՊՐԵՍ: Չինաստանում անսպասելիորեն վերակառուցման համար փակել են աշխարհի ամենաերկար եւ ամենաբարձր ապակե կամուրջը՝ Չժանցզյացզե լեռնային բնակավայրում (Հունանի կենտրոնական նահանգ) շահագործման հանձնելուց հետո ընդամենը երկու շաբաթ անց: Այս որոշումը վարչակազմը բացատրել Է զբոսաշրջիկների վիթխարի հոսքի պատճառով ատրակցիոնի աշխատանքը կատարելագործելու անհրաժեշտությամբ, որը գերազանցում Է սահմանված սահմանաքանակները, տեղեկացնում Է «Արմենպրես»-ը:

Հետիոտների համար նախատեսված արտասովոր կամուրջը, որի հատակը պատրաստված Է գերամուր ապակուց, կախված Է երկու լեռների միջեւ՝ շուրջ 300 մետր բարձրության վրա: Կառուցվածքի երկարությունը կազմում Է 430 մետր, լայնությունը՝ վեց մետր: Այն նախագծել Է իսրայելացի ճարտարապետ Հայիմ Դոթանը:

Կամրջի հարթակը բաղկացած Է գրեթե 5 սանտիմետր հաստությամբ 99 ապակե թիթեղներից: Պնդում են, որ այն միաժամանակ կարող Է դիմանալ մինչեւ 600 մարդու:

Թե երբ կառույցը կրկին մատչելի կլինի զբոսաշրջիկների համար, չի ասվում: Դա կասկածանքներ Է հարուցել կառուցվածքի անվտանգության վերաբերյալ, հաղորդել Է ՏԱՍՍ-ը:

Լուսանկարը` EPA