Իրանը եւ Թուրքիան կքննարկեն Սիրիայում իրադրությունը
1 րոպեի ընթերցում
![Իրանը եւ Թուրքիան կքննարկեն Սիրիայում իրադրությունը](http://armenpress.am/resized/480/static/news/b/2016/08/857884.jpg)
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Իրանի արտաքին գործերի փոխնախարար Հոսեյն Անսարի Ջաբերը Թուրքիայի պաշտոնատար անձանց հետ կքննարկի տարածաշրջանային խնդիրներ, մասնավորապես, Սիրիայում ճգնաժամը:
Այս մասին, ինչպես հաղորդում է «Արմենպրես»-ը, հայտնում է Tasnim լրատվական գործակալությունը` նշելով, որ այսօր սկսվել է Իրանի ԱԳՆ-ի ղեկավարի տեղակալի այցը Թուրքիա:
Երկու երկրների միջեւ դիվանագիտական կապերը ակտիվացել են այն բանից հետո, երբ Թուրքիան պատրաստակամություն է հայտնել Սիրիայում ճգնաժամը կարգավորելու հարցում աշխատել Իրանի եւ Ռուսաստանի հետ:
Ավելի վաղ Թուրքիայի ԱԳՆ ղեկավար Մեւլութ Չավուշօղլուն այցելել էր (օգոստոսի 18) Թեհրան, իսկ Իրանի արտգործնախարար Մոհամադ Ջավադ Զարիֆը` Թուրքիա:
Ենթադրվում է, որ Թուրքիայի նախագահ Ռեջեփ Թայիփ Էրդողանը սեպտեմբերի առաջին կեսին պաշտոնական այց կկատարի Իրան: