1 րոպեի ընթերցում
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Աշխարհի ամենաարագ մարդը՝ Ջամայկան ներկայացնող Հուսեին Բոլտը, «Ռիո-2016»-ի 200 մետր արագավազքի ժամանակ աչքի է ընկել զվարճալի պահվածքով:
«Արմենպրես»-ը հայտնում է, որ մրցատարածության ամենավերջում, երբ ջամայկացին մեծ առավելություն է ունեցել կանադացի Անդրե դը Գրասի նկատմամբ , թուլացրել է վազքը և սկսել ժպիտներ փոխանակել մրցակցի հետ: Արդյունքում ՝ կանադացին գրեթե հավասարվել է Բոլտին, բայց չի անցել: Մարզիկները ուրախ տրամադրությամբ ավարտել են պայքարը, ինչից հետո Բոլտը անցել է եզրափակիչ, իսկ մրցակիցը դուրս է մնացել հետագա պայքարից: