Սպորտ

Չինացի ջրացատկորդուհի Հի Զին երբեք չի մոռանա «Ռիո-2016»-ը

1 րոպեի ընթերցում

Չինացի ջրացատկորդուհի Հի Զին երբեք չի մոռանա  «Ռիո-2016»-ը

ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: «Ռիո-2016»-ի կանանց ջրացատկի 3 մետր բարձրություն ձևի պարգևատրման արարողության ժամանակ Չինաստանի ներկայացուցիչ Հի Զին, բացի այն, որ արժանացել է օլիմպիական խաղերի արծաթե մեդալի, ստացել է նաև ամուսնության առաջարկություն: «Արմենպրես»-ը, վկայակոչելով «The Huffingtonpost»-ին, հաղորդում է, որ չինացի մարզուհուն է մոտեցել հավաքականի ջրացատկորդներից Քին Կայը՝ Հի Զինի ընկերը, և անսպասելի կերպով ամուսնության առաջարկ է արել:

Հանդիսատեսը հոտնկայս ծափահարել է մարզիկներին: Չինացի մարզուհին արցունքներն աչքերին համաձայնել է ամուսնանալ Քին Կայի հետ:

«Մենք արդեն 6 տարի միասին ենք: Երբեք չէի սպասի, որ նա այսպիսի բան կանի, այն էլ այստեղ: Նա շատ խոստումներ է կատարել ինձ համար: Ես կարծում եմ, նա է այն մարդը, ում հետ կարող եմ կիսել իմ ամբողջ կյանքը»,-ասել է Հի Զին:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում