1 րոպեի ընթերցում
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: Հնդիկ կրիկետիստ Ռավենդրա Ջադեջան տուգանվել Է առյուծի հետ սելֆիի համար, որը նա արել Է սաֆարի պարկ այցելության ժամանակ: Ինչպես հաղորդում Է «Արմենպրես»-ը՝ հղում անելով BBC News-ին, լուսանկարը, որը վարչական պատասխանատվության պատճառ Է դարձել, նրա Instagram-ում հրապարակվել Է մեկ շաբաթ առաջ:
Նշվում Է, որ Ջադեջան կոպտորեն խախտել Է սաֆարի պարկում վարքի կանոնները: Էքսկուրսիաների ժամանակ այցելուներին խստիվ արգելվում Է դուրս գալ ավտոմեքենաներից, քանի որ դրանք տեղաշարժվում են մի տարածքով, որտեղ ազատորեն շրջում են վայրի կենդանիները:
Լուսանկարին կից գրության մեջ կրիկետիստը գրել Է. «Եղի՛ր համարձակ, եղի՛ր ուժեղ»: Իր գրառումը նա ուղեկցել Է նաեւ #idontcare («Ինձ համար միեւնույն Է») հեշթեգով: Առանձին օգտատերեր նրա արարքն իրապես հարգանքի արժանի են համարել, սակայն շատերը քննադատել են կրիկետիստին, նշելով, որ նա չմտածված կերպով իրեն վտանգի Է ենթարկել: