Պեպեն ճանաչվել է եզրափակիչ հանդիպման լավագույն ֆուտբոլիստ

ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ: Պորտուգալիա-Ֆրանսիա եզրափակիչ հանդիպման լավագույն ֆուտբոլիստ է ճանաչվել պորտուգալացի պաշտպան Պեպեն: Մադրիդի «Ռեալ»-ի խաղացողը մասնակցել է ամբողջ հանդիպմանը:

«Արմենպրես»-ի հաղորդմամբ, տեղեկությունը հայտնում է ՈւԵՖԱ-ի պաշտոնական կայքը:

Պորտուգալիայի հավաքականը Եվրոպայի առաջնության եզրափակիչի լրացուցիչ ժամանակում կարողացել է հաղթել Ֆրանսիային 1-0 հաշվով : Այս հաղթանակով «Եվրոպական բրազիլացիներն» առաջին անգամ պատմության մեջ դարձել են Եվրոպայի չեմպիոններ: