Առաջ Հայաստան. Սիրուշոն աջակցում է Իվետա Մուկուչյանին

ԵՐԵՎԱՆ, 5 ՄԱՅԻՍԻ, ԱՐՄԵՆՊՐԵՍ: «Եվրատեսիլ- 2008»-ի պատվիրակ Սիրուշոն իր աջակցությունն է հայտնել մրցույթի այս տարվա ներկայացուցիչ Իվետա Մուկուչյանին: «Արմենպրես»-ի փոխանցմամբ` Սիրուշոն գրառում է կատարել իր ֆեյսբուքյան էջում և տեղադրել Իվետայի լուսանկարը:

«Իմ ամբողջ աջակցությունն Իվետա Մուկուչյանին այս տարի «Եվրատեսիլ» մրցույթում։ Ես ուրախ եմ, որ մենք ունենք նրան: Լավ ձայն, ինքնավստահություն և կրակ։ Առաջ Հայաստան»,-նշել է նա:

Հայաստանի հանրային հեռուստաընկերության ստեղծագործական խմբի որոշմամբ՝ «Եվրատեսիլ- 2016»-ին Հայաստանը կներկայացնի երգչուհի Իվետա Մուկուչյանը: Միջազգային հանրությանը Իվետան կներկայանա գերզգացմունքային LoveWave ստեղծագործությամբ: Երգի միջազգային մրցույթը կկայանա մայիսի 10-ին, 12-ին եւ 14-ին Շվեդիայի մայրաքաղաք Ստոկհոլմում: Հայաստանը ելույթ կունենա մայիսի 10-ին առաջին կիսաեզրափակիչ ընթացքում՝ 7-րդ համարի ներքո: «Եվրատեսիլ-2016»-ին կմասնակցեն 42 երկրների ներկայացուցիչներ: Մրցույթի այս տարվա կարգախոսն է Come together (Միավորվենք):