1 րոպեի ընթերցում
ԵՐԵՎԱՆ, 30 ՄԱՐՏԻ, ԱՐՄԵՆՊՐԵՍ: Թուրքիայի քրդամետ Ժողովուրդների դեմոկրատական կուսակցության անդամ, մեջլիսի Ստամբուլից ընտրված հայ պատգամավոր Գարո Փայլանը Սուրբ Զատկի տոնի կապակությամբ բյուջետային հանձնաժողովի քննարկումից առաջ պատգամավորներին ներկած հավկիթներ է բաժանել: Ինչպես հաղորդում է «Արմենպրես»-ը, այս մասին ռեպորտաժ է պատրաստել TGRT հեռուստաընկերությունը:
Պատգամավորները քննարկումից առաջ սկսել են հավկիթները «կռվեցնել»: Արդյունքում հաղթել է իշխող «Արդարություն և զարգացում» կուսակցության պատգամավորներից մեկը, ում Գարո Փայլանը «պարգևատրել է» Զատկի թխվածքով:
Պատգամավորներից բացի, Փայլանը ներկած հավկիթ է տվել նաև Թուրքիայի մշակույթի և զբոսաշրջության նախարար Մաիր Ունալին: